|
|
|
 |
||
 |
 |
 |
|
|
Hartbeesfontein
Kom beleef en ervaar die rustigheid en natuurlike prag van ons semi-bosveld kampterrein geleë 45km noord-oos van Pretoria op die KwaMhlanga pad naby Cullinan. Die plaas beslaan 135 hektaar semi-bosveld in ongerepte natuur met ‘n pragtige kampterrein daarop.
Die kampterrein saam met die omliggende veld is ideal vir leierskap ontwikkeling en –kampe, kreatiewe denke ontwikkeling, geestelike en persoonlike verryking, avontuurkampe en lewensvaardigheidskampe.
Ons beskik oor slaapplek vir 170 persone met aparte lokale vir meisies, seuns en toesighouers. Hiermee saam ‘n goed toegeruste kombuis met instap vries- en yskasfasiliteite. Kom speel en baljaar in ‘n baie ruim saal (260m²). Die saal is ideal vir groepspele, onthale en danse. Ook tot u beskikking is vier ruim lesinglokale toegerus met tafels, stoele, oorhoofse projektors en blaaiborde.
Vir vryetydbesteding en/of georganiseerde aktiwiteite is daar ‘n groot swembad, vlugbalbaan, literiabaan, groot oop ruimte asook voldoende voëlkyk en stapgeleenthede. Bome wat op die terrein voorkom is ook vir identifisering gemerk.
Kom kuier in ons lapa tot laat om ‘n lekker bosveld vuur en ervaar die sterre in hulle volle prag en glorie.
Kampeerders is baie welkom om van ons 20 goed toegeruste (krag- en waterpunte en braaigeriewe) woonwa staanplekke met netjiese ablusiegeriewe gebruik te maak.
Sien is glo. Maak ‘n afspraak en kom besigtig ons kampterrein voor u u volgende kampterrein bespreek.
|
|||||||||||||||||||||
|
|
 |
|
||||||||||||||||||||
|
|
