Daar is niks so mooi as om die son te sien opkom oor die Vaaldam nie.  De Bank is ongveer 160 km vanaf Pretoria/Johannesburg, reg langs die reuse Vaaldam en by die rustige plattelandse dorpie Oranjeville.

Die 8 hektaar terrein, met groot golwende grasperke en reuse Bloekombome le in die waai van die Wilgerivier gedeelte van die Vaaldam.  Oor naweke word die dam voor die terrein gereeld besoek deur seiljagvaarders wat op ekskursies vanaf Deneysville vaar.

Benewens die natuurskoon, houthuisies onder die bome, swembad, saal en goed ingerigde kombuis, bied die terrein ook kanos en vlotte te huur aan kampeerders.  Kampeerders met seilervaring kan selfs van die terrein se seilbote huur om vir 'n rustige sononder seil te gaan.

Die oewer bestaan uit 'n baie veiligte sandstrand waar die water stadig dieper raak.  Alhoewel daar 'n groot swembad is sal die meeste kampeerders sommer in die dam se skoon water swem en baljaar.  Kleiner kinders sal eindelose pret he deur sandkastele te bou en sommer in die sand teen die oewer te speel.

Die terrein is ideaal vir avontuur en ontspanningskampe.  Spanboue kan met groot sukses aangebied word in die saal, op die grasperke en selfs in die water met die vlotte.  Kerke en skole vind die terrein veral geskik omdat dit soveel anders is as dit waaraan meeste kampers gewoond is.

Die terrein bied slaapplek vir ongeveer 65 mense in houthuisies met kampgeriewe vir vele meer in karavane en/of tente.

Padaanwysings:

1. Neem die N1 Bloemfontein/ Roodepoort
2. Neem die N12 Witbank
3. Neem die R59 afdraai na Vereeniging 
4. Gaan by Vereeniging verby op die verbypad na Sasolburg
5. Net nadat jy oor die Vaalrivier gery het draai af na Deneysville(Links)
6. Volg die bordjies na Deneysville
7. As jy by Deneysville aankom, kry jy ‘n kruispad voor die dorp, draai regs na Oranjeville, en volg die bordjies na Oranjeville
8. Ry totdat u 'n aantal bordjies op linkerhand sien, waaronder 'n groen bord met "Reynecke, Wilgedraai" en andere.
9. Tersame met hierdie borde is daar 'n wit bord waarop staan:  "Voortrekkerkamp"
10. U sal sien daar is groot elektriese kabels oor die pad (groot staal) net na hierdie afdraai - draai om, u het te ver gery.
11. Draai links en volg die bordjies Voortrekkerkamp.   U ry omtrent 4 km grondpad
12. Daar is aanwysings tot by die kampterrein. (Andersins volg die borde na "Alea Oord")